2009-4-24 4:22am

我的阿公離開我們了!!為什麼這幾年都是這樣呢?!~每次當我以為捱過了的時候,上天又要我面對一次又一次的生離死別...

很痛很痛~~這一世都接受不到、適應不到這種痛!!失去了...再也要不回~~

亞公比手勢要我們開心!!!亞公要我兩個姐姐錫我,因為我是媽媽冒著生命危險把我生出來!!他痛錫媽媽,所以他也痛錫我~~~亞公要我們多回家陪爸爸吃飯,早點回家休息睡覺~~亞公要我慢慢選擇我的另一半~~很多很多的吩咐!!不苛刻,目的都是要我們開心的生活下去~~

在他走的時候我們都陪著他走最後一段路!!心很痛,那種感覺又來了....但真的很矛盾!!不想他硬撐下去,希望他盡快得到解脫!!老了!!辛苦了80幾年~~是時候休息了!!亞公臨走前所有事情都交代了~~唯一做不到的是他等不到明天去抽一根煙...很容易做的事對他來說永遠都做不到了...

真的不知道上天為什麼這麼愛作弄人...曾經想過既然媽媽跟亞公都要離開~~為什麼不把次序調轉呢!?為什麼要白頭人送黑頭人呢?~為什麼要媽媽離開時也要擔心著他爸爸呢?!為什麼上天就不能仁慈些呢?!

很多事情已經來不及做了~~~說好病好了要帶他到陸羽飲茶,好了中秋節時要回鄉下放煙花、買禾蟲和豬頭公瀨給我吃~~說好的都已經冇時間做了!!

亞公~~你要找媽媽哦!!你要開心哦~~不用擔心我們的!!我們都長大了....我們會開心的活下去!!你跟媽媽要保佑我們呢~~

＊＊自己曾經說過除了結婚那時才收介指的!!想不到第一隻收到的介指是亞公送我!!但我會戴著它~~因為亞公施了魔神在介指上!!他的祝福我會將它戴在身上!!＊＊

2-1-2009
新的一年開始了,每個人都懷著希望和喜悅的開始~~~但是為什麼我的開始會是痛苦的?!
旺爸爸今天離開了我們一家~~~老了!!牠真的老了.....陪伴著我長大的一份子!!!對我家很重要的一個成員.....
十幾年來牠都在我的身邊~~~突然間牠捨我們而去了!!!我是知道的....牠老了~~~牠應該退休了....但是真的很捨不得牠~~
知道旺爸爸離開了的朋友好努力去開解我~~~雖然他們都說旺爸爸的離開對牠來說是一種解脫....但我的眼淚依然流過不停!!
12月31號那天我特別回家和旺爸爸、維維倒數迎接新的一年!!踏入1月1號的那時,我對著旺爸爸說:「旺爸爸,新年快樂~~~旺旺好叻哦!!下年再同你倒數吧!!」但是我萬萬想不到2008年是我和牠倒數的最後一年....
剛知道旺爸爸離開的那時,心裡有千千萬萬個不明白~~~當天給牠吃狗餅時,牠還是好好的!!!但為什麼到了中午會這樣?!亞lum告訴我旺爸爸下午吐血了....當他們買"送"回來後旺爸爸已經在神台前一睡不起了....別人都說狗狗離開時都是靜悄悄的不讓主人知道~~旺爸爸也是這樣嗎??牠捱到那時才離開的嗎?!牠是去了找媽媽和牠兩個女女嗎?!
當時很想回家看牠最後一眼~~~但當回到家中,我居然不敢打開膠袋~~~很怕看到牠的容貌是痛苦的....但是我最後還是想看看牠最後一面~~~爸爸替我打開袋子的那一刻,我看到了~~~旺爸爸好像平時的樣子~~~沒有很痛苦的表情!!!手忍不住摸了牠的頭!!那是我最後一次摸牠了....沒有了溫度的旺爸爸。心真的很痛很痛....爸爸也忍不住流淚了!!
爸爸告訴我處理旺爸爸的遺體時心也酸了~~~原來我們要用膠袋封好把牠帶到垃圾房去....本是肥肥拿著旺爸爸的!!!因為旺爸爸很重,他們都不想我拿...但是我心裡很想是由自己送牠離開,因為這是我唯一能為旺爸爸做的最後一件事了!!即使很重我也會用盡我的全力小心的帶牠離開....到了垃圾站,我同亞lum都好矛盾....我們應該把牠放進垃圾車還是旁邊好呢???放進垃圾車豈不是被其他垃圾壓著?!但是放在一旁的話收集垃圾的人把牠一手掉入垃圾車豈不是更糟?!心很不安....不知自己想怎樣~~~有一種把旺爸爸弄到街裡的感覺....牠會以為我們不理牠了嗎?!牠會怪我們嗎?!
到了夜晚,我真的睡不著~~~因為一閉上眼睛我的腦裡就不停想著旺爸爸現在怎樣了?!找到了媽媽和女女了嗎?!牠害怕嗎?!Kelly說狗狗死了會上天堂的!!!小健說牠去找媽媽了....那旺爸爸會幸福嗎?!心不停的想眼淚不停的流.....
心都亂了~~~每年都要我這樣我真的捱不住了!!!為什麼為什麼為什麼呀?!我真的不想維維也離開我~~~~很怕很怕!!!我不想回到家聽不到狗吠聲....我不想半夜出房的時候見不到牠....我不想家中又有成員離開了!!!我好辛苦呀....我真係接受唔到了~~~上天可以放過我嗎?!你已經要我受了三年這樣的痛苦了....我真係支持不住了!!!我不想哭了.....
旺爸爸....我好想你哦~~~你會回來找我嗎?!我有緣再遇到你嗎?!如果能相遇的話會是甚麼時候甚麼姿態呢?!

嘩~~~我咁大個女第一次俾人克得咁應呀!!!

今朝一早返工!!好輕鬆~~見到亞濤我仲大大聲咁叫佢"濤寶寶"~~我都話我見到佢一定大大聲咁叫佢嫁喇!!!問你驚未~~~之後未返貨就係到睇女人我最大....睇睇下之後先發現今日有新女返工~~~um!!!我唔太喜歡她!!一見到佢就唔鍾意了~~我既直覺一路都好準...我第一眼唔鍾意既人一定係對我不利既人~~~返左貨之後又俾我見到有靚野!!!嘻~~件斗蓬著到我鎖骨好令令....冇耐DeeDee又上黎了!!哈....Dee Dee應該俾亞Sam搞到頭都大埋!!!不過都係鬥錢多既遊戲黎既o者~~~um!!!快d搬返上黎喇~~~我地又做隔離鄰舍咪幾好!!!

噢!!我俾佢克到6點半都未做野!!!哩個禮拜我明明日日都爆晒數嫁嘛!!仲要平時我點將d大頭針亂吉都好，都唔會吉親自己手....點知今日我連吉左自己隻手3次~~係3次呀....仲要我d"好友"黎親都齋talk唔買!!!我仲要唔知點解燥到差d同個客開火....媽呀?!點解佢可以令我心情咁暴燥嫁?!我真係未試過~~~平時d客點衰我都唔會咁講野的!!!新女既威力不容忽視!!!但係我真係唔知佢克我定我克佢~~~佢俾個男人偷左個電話!!!仲要報左警呢~~由佢開始黑既時候我就開始開單!!!唔sale都有客~~~連我"知己"都黎埋!!!嘩....埋數個下先利害~~~我跑贏另外個兩間舖~~~噢!!!我要同佢鬥命硬....我真係唔想同佢並存呀....我唔想下次我會俾佢克住呢~~~

9點幾個陣suki打黎叫救命!!!唔知咩事~~~衝左去佢個邊救佢.....噢~~~又係小強....suki居然叫我去救佢.....佢唔知我都驚小強的嗎?!點解叫個驚小強既人救一個俾小強威脅既人嫁?!唔理咁多了~~~殺左佢先....好彩有驚無險~~~不過下次唔好叫我了!!!我唔係次次都咁冷靜的....但係我又唔可以見死不救~~~唉!!!我可唔可以唔做超人呢?!我會怕的....

放工同kelly、gary去深水土步食酸辣米線!!!嘻~~好味...食到我超飽...搞到我食唔到甜品~~擇日再食吧~~~返到屋企kelly打黎同我講佢部Nds係我到....冇錯~~~連電話都係我到!!!我真係一個誠實既小朋友~~~不過你拎我部機又唔拎自己部機真係傻豬豬呢!!!

好快又星期六了!!!我要努力跑數~~~我要將我應得既都跑返黎~~加油呀kk!!!

今日發左兩個夢~~一個就發夢見到小豬!!噢....sweet sweet

第二個夢我發夢見到奀芝....我見到奀芝好似離開我個時既情形咁!!好唔舒服好辛苦既樣.....我依然係抱住佢，依然好想救佢~~~但係我依然係無能為力咩都做唔到....起身個時發現自己眼濕濕!!!

今日拎左本女人我最大既雜誌返去俾佢地睇!!!嘩~~好很重呀....搞到我用龜速返公司~~~

哈....今日Kelly豬同我有段對話好搞笑：

Kelly:「kk你好掛住小健呀?!」

我:「下?!點解呀?!」

Kelly:「我見你悶悶不樂咁嘛!!」

我:「下?!唔係啵~~我係到諗緊點樣將d衫擺靚佢咋啵....」

哈~~~Kelly豬!!!係你掛住人定你諗多左呢?!咁你都可以拉埋小健黎講既?!

到放工....唉~~9蚊飲恨呀我!!!差d過3丁嫁嘛~~~本身臨尾有個客想買件衫嫁嘛!!一定係俾Kelly豬既笑聲嚇走左我個客了!!還我9蚊來呀....

返到屋企又覺得好眼訓了~~~噢!!我係咪有渴睡症呀?!究竟我要訓幾多個鐘先夠嫁?!

8-10-2008

今日訓到三點幾!!!好累哦~~~係咁訓....

晏晝起身煮左個麵食飽就算....之後做左個facial就整野出門口了!!

約左kelly佢地食sabu sabu~~~噢!!!好多牛牛...但係剩食牛牛冇咩款揀好寡咁呢....但係都ok幾好食喇!!!之後就影左貼紙相同打機~~~um...今次冇得影坐梳化個部貼紙相機!!!影得麻麻~~~我始終鍾意bling bling既貼紙相呢~~~見到green box又有lady night!!!嘩...好吸引呀~~不過聽日要返工!!還是算了吧....

今日5行人...得我冇男朋友仔陪!!!um....有d問題~~~但又冇咩問題!!!哈....冇所謂喇~~~我又唔係要個男朋友黎湊人數....我都係依然想等個好既呢~~~我會等到的，是不是?!